Үерийн аюулаас сэрэмжлүүлж байна

Наймдугаар сарын 30-ны өдрийн байдлаар Хэнтий нурууны зүүн хажуугаас эхтэй Барх, Их Хянганы нуруунаас усжих Халх голын дагууд усны түвшин өмнөх өдрийнхөөс 5-15 см нэмэгдсэн байна.

Балж, Хэрлэн /Мөнгөнморьт, Баянмөнх/, Улз / Эрээнцав/, Хурх, Буянт, Хархираа зэрэг голууд үерийн түвшинг 5-35 см, Туул /Лүн/, Орхон /Орхонтуул/, Онон /Дадал/, Хэрлэн /Өндөрхаан, Чойбалсан/, Халх /Ялалт/ зэрэг голууд үерийн аюултай түвшинг 5-55 см даван хүчтэй үерлэсэн хэвээр байна.

Иймд дээрх голуудын сав дагуу суурьшиж, нутаглаж буй малчид, аялаж амарч, зугаалж буй ард иргэдийг үер усны аюулаас болгоомжтой байхыг онцгойлон анхааруулж байна.

2024-08-30