Үерийн аюулаас сэрэмжлүүлж байна

Алтай нуруунаас эх авсан Ховд, Буянт, Булган, Харбут, Төгрөг зэрэг голын усны түвшин өнгөрсөн өдрүүдэд хоногт 10-20 см нэмэгдэж, ус судлалын Ховд-Мянгад , Булган-Байтаг, Төгрөг-Манхан, Халх-Баянхошуу харуул орчимд үерийн түвшинг 30-40 см, Буянт гол Ховд аймаг орчмоор үерийн аюултай түвшинг 25 см даван тус тус үерлэж байна. Иймд дээрх голуудын сав дагуу суурьшиж, нутаглаж буй малчид ард иргэдийг үер усны аюулаас сэрэмжтэй байхыг онцгойлон анхааруулж байна.

Ус Цаг Уур, Орчны Судалгаа, Мэдээллийн хүрээлэн
Ус судлалын сектор
2015.06.22