УИХ-ын дарга З.Энхболд Турк улсад айлчилна
Улсын Их Хурлын дарга З.Энхболд тэргүүтэй Монголын парламентын төлөөлөгчид Олон Улсын Парламентын Холбооны 129 дүгээр Ассамблейд оролцохоор уржигдар /2013.10.06/ Холбооны Бүгд Найрамдах Швейцарь Улсын Женев хотыг зорьлоо.
Мэдээллийн алба
Улсын Их Хурлын дарга З.Энхболд тэргүүтэй Монголын парламентын төлөөлөгчид Олон Улсын Парламентын Холбооны 129 дүгээр Ассамблейд оролцохоор уржигдар /2013.10.06/ Холбооны Бүгд Найрамдах Швейцарь Улсын Женев хотыг зорьсон. Төлөөлөгчдийн бүрэлдэхүүнд УИХ-ын гишүүн, Төрийн байгуулалтын байнгын хорооны дарга А.Бакей, УИХ-ын гишүүн М.Батчимэг, Д.Батцогт нар багтжээ. Мөн УИХ-ын Тамгын газрын Ерөнхий нарийн бичгийн дарга Б.Болдбаатар энэ үеэр болох Олон улсын парламентын Тамгын газрын Ерөнхий нарийн бичгийн дарга нарын уулзалтад оролцох юм.
З.Энхболд тэргүүтэй төлөөлөгчид Олон Улсын Парламентын Холбооны 129 дүгээр Ассемблейд оролцсоны дараа энэ сарын 9-13-ны өдрүүдэд Бүгд Найрамдах Турк Улсад албан ёсны айлчлал хийх юм.
