УИХ-ын гишүүний халдашгүй байдлын дэд хороо Н.Номтойбаярын бүрэн эрхийг түдгэлзүүлэхийг дэмжлээ
УИХ-ын гишүүний халдашгүй байдлын дэд хорооны хуралдаанаар Улсын ерөнхий прокурор Б.Жаргалсайханаас ирүүлсэн УИХ-ын гишүүн Н.Номтойбаярын бүрэн эрхийг түдгэлзүүлэх эсэх асуудлыг хэлэлцсэн байна.
Мэдээллийн алба
"Цагийн хүрд" мэдээллийн хөтөлбөр: УИХ-ын гишүүний халдашгүй байдлын дэд хорооны хуралдаанаар Улсын ерөнхий прокурор Б.Жаргалсайханаас ирүүлсэн УИХ-ын гишүүн Н.Номтойбаярын бүрэн эрхийг түдгэлзүүлэх эсэх асуудлыг хэлэлцсэн байна. Өчигдөр 19 цаг 30 минутын үед дэд хороо гаргасан шийдвэрээ хэвлэлийнхэнд мэдээллээ.
Халдашгүй байдлын дэд хорооноос УИХ-ын гишүүн Н.Номтойбаярын бүрэн эрхийг түдгэлзүүлэхийг дэмжсэн байна. Асуудлыг УИХ-ын холбогдох байнгын хороод хэлэлцсэнээр УИХ-ын чуулганы нэгдсэн хуралдаанаар эцэслэж шийдвэрлэх юм байна. Өчигдөр үдээс өмнө УИХ дахь МАН-ын бүлэг энэ асуудлыг хэлэлцсэн. Энэ үеэр МАН-ын дарга У.Хүрэлсүх Н.Номтойбаярыг бүрэн эрхээсээ түдгэлзэж, шалгуулах саналыг хэлсэн байна.
