“Үйлдвэрийн салбарын хөгжилд хөрөнгийн зах зээлийн оролцоо” сэдэвт форум боллоо

Үйлдвэр, хөдөө аж ахуйн яам, Монголын Хөрөнгийн биржээс хамтран “Үйлдвэрийн салбарын хөгжилд хөрөнгийн зах зээлийн оролцоо” сэдэвт форум өнөөдөр боллоо. Форумын гол зорилго нь санхүүжилт шаардлагатай байгаа импортыг орлох үйлвэрлэлийн төслүүд болон компаниудын төлөөллийг хөрөнгө оруулагчид, мэргэжлийн үйлчилгээ үзүүлэгч уулзуулах явдал байсан юм. Төсөл хэрэгжүүлэгчид өөрсдийн төслөө танилцуулласан байна. Мөн Санхүүгийн зохицуулах хороо, Монголын Хөрөнгийн бирж, хөрөнгө оруулалтын чиглэлээр үйл ажиллагаа явуулдаг компаниудын төлөөлөл илтгэл тавьж, хөрөнгийн зах зээлийн хууль эрх зүйн орчин, хөрөнгийн зах зээлээс хөрөнгө босгон санхүүжилт татах боломжуудыг танилцууллаа. Форумын төгсгөлд оролцогчид өөрсдийн туршлагаас хуваалцаж, хөрөнгийн зах зээлийн нөхцөл байдал, өөр бусад сонирхсон асуудлаар хэлэлцүүлэг өрнүүлсэн юм.