Улаан бурхан өвчний үед авах арга хэмжээний талаар уулзалт хийлээ

Нийслэл хотод Улаанбурхан өвчин ихэсч байгаатай холбогдуулан Нийслэлийн Эрүүл мэндийн газар, ЭМЯ, ХӨСҮТ, ЭХЭМҮТ-ийн удирдлагууд болон эмч нар Сонгинохайрхан дүүргийн нэгдсэн эмнэлэгт уулзалт хийлээ.

Уулзалтанд СХД-ийн нэгдсэн эмнэлгийн удирдлагын баг, эмч, мэргэжилтнүүд хамрагдаж хэд хэдэн асуудлыг зөвлөлдөж шийдвэрлэв. Өрхийн эмнэлгийн эмч нар 0-5 хүртэлх насны хүүхдүүдийг гэрээр очиж, үзлэг хийж зөвлөгөө өгөх, гэрийн эргэлтийг чанаржуулах, нэгдсэн эмнэлгийн хүүхдийн болон өрхийн эмч нарыг сургалтад хамруулах, хүүхдийн яаралтай түргэн болон 103-ын дуудлагын эмч нар дуудлаганд явахдаа улаан бурханы сэжигтэй өвчлөлийг анхаарах, өвчний тархалт нэмэгдсэн тохиолдолд нийслэлд ор дэлгэх ажлыг судлах, ХӨСҮТ, НЭМГ-ын хамтын ажиллагаа, уялдаа холбоог сайжруулах голомтод ажиллаж байгаа эмч сувилагч нарын судалгаа гаргаж тэднийг вакцинд хамруулах зэрэг асуудлыг шийдвэрлэлээ.

Мөн улаан бурхан өвчлөлтэй холбогдуулан гаргасан НЭМГ-ын даргын тушаалын хэрэгжилт, биелэлт, явцтай газар дээр нь танилцсан байна.