Улаан номонд орсон ан амьтдын үр төлүүдээр дагнасан 19 бүтээлийн үзэсгэлэн дэлгэгджээ
Ямар ч амьтны үр төл эгдүүтэй ... Тэдний ертөнц нууцлаг бас сонирхолтой, агшин бүр нь үнэ цэнэтэй. Эдгээр хайр татам амьтдыг нэг дор харах боломжыг Н.Алтаншагай олгож буй.
Мэдээллийн алба
Уран барималч, сийлбэрч Н.Алтаншагай "Zura" нэртэй бие даасан уран бүтээлийн үзэсгэлэнгээ Баянзүрх дүүрэг Дүнжингарав худалдааны төвийн замын урд байрлах “Монгол арт” галерейд нээжээ.
Тус үзэсгэлэнд дэлхийд нэн ховордож Улаан номонд орсон Монгол оронд амьдардаг ан амьтдын үр төлүүдээр дагнасан нийт 19 бүтээл дэлгэгджээ.
Ямар ч амьтны үр төл эгдүүтэй ... Тэдний ертөнц нууцлаг бас сонирхолтой, агшин бүр нь үнэ цэнэтэй. Эдгээр хайр татам амьтдыг нэг дор харах боломжыг Н.Алтаншагай олгож буй.
Сийлбэрийн уран тансаг бүтээлийг модны сэнгэнэсэн үнэр, зорсон модны үртэсгүйгээр төсөөлөхийн арга үгүй.
Үзэсгэлэн энэ сарын 10 хүртэл үргэлжилнэ.
