Улаанбаатар бүсийн аварга шалгаруулах тэмцээн эхэллээ

Гал унтраах техник спортын Улаанбаатар бүсийн “Гандуулга” клубийн 2025 оны аварга шалгаруулах тэмцээн эхэллээ. Тэмцээний довтолгооны шатны төрөл Баянхошууны Сургалт дадлагын талбайд зохион байгуулагдаж байна.

Энэ жил Улаанбаатар бүсийн аварга шалгаруулах тэмцээнд 12 багийн 101 тамирчин довтолгооны шат, саадтай 100 м, 4х100 метрийн буухиа гүйлт, гал унтраах тархалт гэсэн дөрвөн төрлөөр оюун ухаан, эр зориг, хурд хүч, авхаалж самбаагаа сорин өрсөлдөж байна.