Улаанбаатар-Дарханы авто замын талаар санал солилцов

Зам, тээврийн хөгжлийн сайд Л.Халтар Азийн хөгжлийн банкны Монгол Улс дахь Суурин төлөөлөгчийн газрын төсөл хөтөлбөр хариуцсан нэгжийн дарга Мүүкиа Тирүчелвамыг хүлээн авч уулзав.

Тэд Азийн хөгжлийн банкны МОН-3679/3786 зээлийн хөрөнгөөр хэрэгжиж буй “Бүс нутгийн авто зам хөгжүүлэх, засвар арчлалтын төсөл”-ийн Улаанбаатар-Дархан чиглэлийн 204.11 км авто замын өргөтгөл, шинэчлэлтийн ажлын хэрэгжилтийн явц байдал, тулгамдаж буй асуудал, түүнийг хэрхэн шийдвэрлэх, "гацаа гаргах" арга зам, цаашид нэн даруй авч хэрэгжүүлэх үйл ажиллагааны талаар санал солилцож тодорхой шийдэлд хүрлээ.

Эх сурвалж: ЗТХЯ