“Улаанбаатар-Гурван тэс сум-Улаанбаатар” чиглэлд нийтийн тээвэр үйлчилнэ

2025 оны тавдугаар сарын 2-ноос ХХ50 чиглэлийн дугаартай “Улаанбаатар хот-Өмнөговь аймгийн Гурван тэс сум-Улаанбаатар хот” чиглэлд хот хоорондын нийтийн зорчигч тээврийн үйлчилгээ эхлэхээр боллоо.

Улаанбаатар хотоос /Драгон терминал/ өдөр бүр 15:00 цагаас, Өмнөговь аймгийн Гурван тэс сумаас өдөр бүр 18:00 цагаас хот хоорондын нийтийн зорчигч тээвэр иргэдэд үйлчилнэ гэж Автотээврийн Үндэсний Төвөөс мэдээллээ.