Улаанбаатар хот орчим хуурайшилтын “нэн аюултай” зэрэглэлд байна

НОБГ-ын дарга, хурандаа Н.Уланбаяр “Нийслэлд орчмоор өнгөрсөн хоногуудад халж хуурайшилтын “Нэн аюултай” зэрэглэлд байна гэж мэдээллээ. Цаг уурын байгууллагаас гаргасан урьдчилсан мэдээгээр ойрын өдрүүдэд халалт үргэлжлэх хэдий ч нийт нутгаар бороо орох төлөвтэй гэсэн ч нийслэлийн бүс нутагт цаг агаарт зориудаар нөлөөлж хур тунадас нэмэгдүүлэх боломжийг эрэлхийлж буй юм байна.

Өнгөрсөн хоногуудад нийслэлд 8 ой хээрийн түймэр гарсныг бүрэн унтраажээ. Мөн “Говь” компанийн байрны дээврийн 30000 ам метр талбайн галыг 20 цаг ажиллаж байж бүрэн унтраасан. Ой хээрийн түймэр болон “Говь” компанийн дээврийн галыг унтраахад иргэд, олон нийтийн болон төрийн байгууллагаас олон талын дэмжлэг тусламж үзүүлсэн гэж Нийслэлийн удирдах ажилтны шуурхай зөвлөгөөнд мэдээлэв.