Улаанбаатар хотын гэрэлтүүлэг энэ онд 95 хувийн асалттай байна

Улаанбаатар хотын гэрэлтүүлэг энэ онд 95 хувийн асалттай байна. Гэвч гэрэлтүүлэгтэй холбоотой иргэдийн санал гомдол УБ хотын Шуурхай удирдлага, зохицуулалтын төвд ирдэг байна. Ихэвчлэн гудамж, талбайн гэрэл асахгүй байгаа, эсвэл гудамжны гэрлийн шонгууд өдрийн цагаар асдаг зэрэг асуудлаар иргэд ханддаг байна.

Ийнхүү иргэдийн мэдээллийн мөрөөр тухайн хэсгийг хариуцсан компанид нь даруй мэдэгдэж, иргэдэд тайлбар өгдөг гэж Улаанбаатар хотын Шуурхай удирдлага, зохицуулалтын төвийн ахлах диспетчер н.Нэмэхбаяр хэллээ. Гэрэлтүүлэг хариуцсан компаниуд өглөө бүр засвар үйлчилгээний талаарх мэдээллээ Улаанбаатар хотын шуурхай удирдлага, зохицуулалтын төвд өгдөг байна.