Улаанбаатар шөнөдөө 7 хэм дулаан

Малчид, ард иргэдийн анхааралд: Өнөө маргаашдаа ихэнх нутгаар халуун хуурай салхитай байх тул гал түймрийн аюулаас сэрэмжтэй байхыг анхааруулж байна.

2015 оны дөрөвдүгээр сарын 27-ны 16 цагаас 22 цаг хүртэл Улаанбаатарт: Багавтар үүлтэй. Хур тунадас орохгүй. Салхи баруун өмнөөс 6-11 м/с. 17 цагт 22 хэм, 20 цагт 18 хэм дулаан байна.

Улаанбаатарт 15 цагт: 19 хэм дулаан, харьцангуй чийгшил 13 хувь, агаарын даралт 865 гектопаскал байлаа. Даралт өдөртөө тогтвортой байна.

2015 оны дөрөвдүгээр сарын 27-ны 21 цагаас дөрөвдүгээр сарын 28-ны 21 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлэрхэг. Нутгийн хойд хэсгээр бага зэргийн хур тунадас орно. Салхи баруун өмнөөс секундэд 7-12 метр, зарим газраар түр зуур секундэд 16-18 метр хүрч шороон шуурга шуурна. Баян-Өлгийн нутаг, Завхан, Говь-Алтайн хойд хэсгээр шөнөдөө 0-5 хэм, өдөртөө сэрүүсч 13-18 хэм, Говь-Алтай, Баянхонгорын өмнөд хэсгээр 10-15 хэм, өдөртөө 25-30 хэм, бусад нутгаар шөнөдөө 3-8 хэм, өдөртөө 17-22 хэм дулаан байна.

ТӨВИЙН АЙМГУУДЫН НУТГААР: Үүлэрхэг. Шөнөдөө Хөвсгөлийн уулсаар, өдөртөө нутгийн хойд хэсгээр бага зэргийн хур тунадас орно. Салхи баруун өмнөөс хойш эргэж секундэд 5-10 метр, өдөртөө зарим газраар секундэд 12-14 метр хүрч шороон шуурга шуурна. Шөнөдөө Хөвсгөлийн уулархаг нутаг, Ерөө, Хараа,Туул, Тэрэлж голын сав газраар 1-6 хэм, бусад нутгаар 4-9 хэм, өдөртөө Хангай Хөвсгөлийн уулархаг нутгаар 16-21 хэм, бусад нутгаар 22-27 хэм дулаан байна.

ЗҮҮН АЙМГУУДЫН НУТГААР: Үүлшинэ. Хур тунадас орохгүй. Салхи баруун өмнөөс секундэд 5-10 метр, өдөртөө зарим газраар секундэд түр зуур 16-18 метр хүрч шороон шуурга шуурна. Шөнөдөө 4-9 хэм, өдөртөө 25-30 хэм дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруун өмнөөс секундэд 5-10 метр, өдөртөө секундэд түр зуур 14-16 метр хүрч ширүүснэ. Шөнөдөө 3-5 хэм, өдөртөө 27-29 хэм дулаан байна.

ГОВИЙН АЙМГУУДЫН НУТГААР: Үүлшинэ. Бороо орохгүй. Салхи баруун өмнөөс секундэд 5-10 метр, зарим газраар секундэд 12-14 метр хүрч шороон шуурга шуурна. Шөнөдөө Өмнөговийн нутгаар 8-13 хэм, бусад нутгаар 5-10 хэм, өдөртөө бүх нутгаар 27-32 хэм дулаан байна.

УЛААНБААТАР ХОТ: Хур тунадас орохгүй. Салхи баруун өмнөөс хойш эргэж секундэд 7-12 метр, өдөртөө шороон шуурга шуурна. Шөнөдөө 5-7 хэм, өдөртөө 25-27 хэм дулаан байна.

2015 оны дөрөвдүгээр сарын 29-нөөс тавдугаар сарын 03-ныг хүртэлх
цаг агаарын урьдчилсан төлөв

Дөрөвдүгээр сарын 29-нд баруун зүгийн нутгийн хойд, 30-нд төв болон зүүн зүгийн нутгийн хойд хэсгээр, тавдугаар сарын 1-нд баруун болон төв нутгийн зарим газраар, 2-нд төв, зүүн зүгийн ихэнх нутгаар хур тунадас орно. Салхи ихэнх нутгаар 29, 30-нд секундэд 12-14 метр, 1,2-нд 16-18 метр хүрч шороон шуурга шуурна. 29-нд нутгийн хойд хэсгээр, цаашдаа ихэнх нутгаар сэрүүсч Алтай, Хангай, Хөвсгөлийн уулархаг нутаг, Туул, Тэрэлж голын саваар шөнөдөө нутгаар 1-6 хэм хүйтэн, өдөртөө 5-10 хэм, говийн бүсийн өмнөд хэсгээр шөнөдөө 6-11 хэм, өдөртөө 21-26 хэм, бусад нутгаар шөнөдөө 0-5 хэм, өдөртөө 10-15 хэм дулаан байна.