Улаанбаатарт 14 хэм дулаан

Малчид ард, иргэдэд зориулсан мэдээ: Өнөөдөр нутгийн хойд хэсгээр бороо орж, ихэнх нутгаар хүйтэн салхитай байна.

2015 оны тавдугаар сарын 31-ний 09 цагаас 21 цаг хүртэл: Ихэнх нутгаар үүлэрхэг. Баруун зүгийн нутгийн хойд хэсэг, төвийн ихэнх нутаг, зүүн зүгийн нутгийн зарим газраар бороо орно. Дуу цахилгаантай. Салхи баруун хойноос секундэд 7-12 метр, зарим газраар секундэд түр зуур 18-20 метр хүртэл ширүүсч шороон шуурга шуурна. Хангай, Хөвсгөлийн уулархаг нутаг, Туул, тэрэлж голын сав газраар Сэрүүсч 8-13 хэм, Говийн бүс нутгийн өмнөд хэсэг, Дарьгангын тал нутгаар 23-28 хэм, бусад нутгаар 12-17 хэм дулаан байна.

УЛААНБААТАР ХОТ: Үүлэрхэг. Бороо орно. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Сэрүүсч 10-12 хэм дулаан байна.

Өглөө 06 цагт Улаанбаатарт: 6 хэм дулаан, харьцангуй чийг 87 хувь, агаарын даралт 853 гектопаскаль байлаа. Даралт өдөртөө өснө.

2015 оны зургаадугаар сарын 1-нээс зургаадугаар сарын 05-ныг хүртэлх
цаг агаарын урьдчилсан төлөв

Зургаадугаар сарын 1-нд баруун болон төв, зүүн зүгийн зарим нутгаар, 2-нд нутгийн баруун хагаст, 3-нд ихэнх нутгаар, 4-нд төв болон зүүн зүгийн нутгаар бороо, уулаараа нойтон цас орно. Салхи 3-4-нд зарим газраар секундэд түр зуур 16 метр хүрч ширүүснэ. Алтай, Хангай, Хөвсгөлийн уулархаг нутаг, Туул, Тэрэлж голын сав газраар шөнөдөө 0-5 хэм хүйтэн, өдөртөө 9-14 хэм, Алтайн өвөр говь болон говийн бүс нутгийн өмнөд хэсгээр шөнөдөө 7-12 хэм, өдөртөө 22-27 хэм, бусад нутгаар шөнөдөө 3-8 хэм, өдөртөө 15-20 хэм дулаан байна.