Улаанбадрах сумд үүсээд буй асуудалд гишүүд хэрхэн анхаарч байна вэ?

Дорноговь аймгийн Улаанбадрах, Сайншанд сумдын нутгаар энэ хавар их хэмжээний мал хээл хаяж, амьгүй төл гаргасан. Тухайлбал, Сайншанд сумын 5-р багийн малчин Гэрэлт-Одынх 100 гаруй төл хүлээж авах байсан ч 70 гаруй бог нь амьгүй төл гаргасныг бид өмнө нь сурвалжилж байсан.

Мөн хэд хэдэн айлд үе дутуу ишиг, тугал, саажилттай хурга гэх мэт гажиг төл гарсан нь тус аймагт ураны хайгуул, олборлолтын чиглэлээр үйл ажиллагаа явуулж байгаа "Кожеговь" компанитай холбоотой гэж нутгийн малчид, иргэний нийгмийн байгууллагууд үзэж байгаа юм. Тэгвэл үүнд УИХ-ын гишүүд хэрхэн анхаарч байна вэ?

УИХ-ын Аюулгүй байдал, гадаад бодлогын байнгын хорооны дарга Ц.Оюунбаатарын хариултыг сонсъё.