Улс орнууд хөл хөдөлгөөн хориглох замаар "COVID-19"-ийн тархалтыг сааруулах арга хэмжээ авсаар байна

Дэлхийн эрүүл мэндийн байгууллага улс орнуудыг цар тахлын үед авч хэрэгжүүлэх арга хэмжээ, үйл ажиллагаагаа өөрчлөхгүйгээр улам эрчимтэй явуулахыг зөвлөж байна. Өөрөөр хэлбэл, вирусний тархалтыг сааруулах бодлогоо хэрэгжүүлэхийн хажуугаар иргэдийнхээ эрүүл мэндийн хамгаалах, эдийн засгийн хямралаас сэргийлэх нийгмийн тогтворгүй байдал үүсэхээс зайлсхийх, хүний эрхийг хүндэтгэх зэрэг олон талын нөхцөл байдлын тэнцвэрийг сайн барьж ажиллах зөвлөмжүүдийг өгч байна. Энэ шийдвэрийн дараагаар улс орнууд дор бүрнээ арга хэмжээгээ чангатгаж, зорчих хөдөлгөөнд хязгаарлалт хийж эхэлж байна.