Улс төрийн ажилтнуудын семинар болно

Нийслэлийн Ардчилсан намын зүгээс улс төрийн ажилтнуудынхаа дунд семинар зохион байгуулахаар болжээ.

Уг семинараар тус намын улс төрийн ажилтнуудын ажлын уялдаа холбоог сайжруулах, мэдлэг чадавхийг дээшлүүлэх, намынхаа мөрийн хөтөлбөрийн явцын талаар мэдээлэх юм байна.

Семинарт нийслэлийн есөн дүүргийн Ардчилсан намын улс төрийн ажилтнууд оролцох бөгөөд Ардчилсан намын Ерөнхий нарийн бичгийн дарга Ц.Оюундарь, Нийслэлийн АН-ын дарга Э.Бат-Үүл, МУИС-ийн Хууль зүйн сургуулийн Иргэний тэнхимийн эрхлэгч Доктор, профессор (Ph.D) А.Эрдэнэцогт нар мэдээлэл хийх аж.

Семинар энэ сарын 19-нд “The Blue Sky”-д болно.