Улс төрийн намын тухай хуулийг шинэчилнэ

"Цагийн хүрд" мэдээллийн хөтөлбөр: Үндсэн хуулийн нэмэлт, өөрчлөлтийг дагаад 40 гаруй хуулийг өөрчилж шинэчлэхээр байна. Үүний нэг нь Улс төрийн намын тухай хуулийн шинэчилсэн найруулга юм. Манай улсад сүүлийн 28 жил шийдэгдээгүй томоохон асуудал нь улс төрийн намын санхүүжилт гэдгийг судлаачид сануулж байна.

Сонгуульд ялалт байгуулсан нам томоохон санхүүжүүлэгчийнхээ эрх ашгийн төлөө ажиллах эрсдэл үүсдэг. Үүнийг дагаад авлигын асуудал ч хөндөгддөг. Хууль эрх зүйн буланд улс төрийн намын хууль эрх зүйн орчныг шинэчлэх асуудлыг бид онцоллоо. /2020.01.15/