Өлссөн баавгайнууд тосгон руу орж иржээ

ОХУ-ын Алс Дорнодын бүсэд нүүрлэсэн үерийн гамшгийн улмаас хоол тэжээл хомосдсонтой холбоотойгоор өлсгөлөн баавгайнууд ойролцоох тосгонууд руу дайрах аюул нэмэгдээд байгаа талаар орон нутгийн цагдаагийн газраас “РИА Новости”-д мэдээлжээ. Хабаровскийн Полина Осипенко дүүргийн цагдаагийн даргын ярьснаар үерийн улмаас баавгайн хооллодог жимсгэнэ, яргай загас ховордсон бөгөөд үүний улмаас махчин араатан тосгон руу ойртож айл өрх, албан байгууллагуудын хогийн сав ухаж, замбараагүй байдал үүсгэх болсон байна.