Улсын аварга С. Мөнхбат сумын заануудтай уулзалт хийнэ

Монголын үндэсний бөхийн холбооноос 2026 оныг Бөхчүүдийн соён гэгээрэл, нийгмийн хариуцлагыг дээшлүүлэх жил болгон зарлаж цуврал арга хэмжээнүүдийг зохион байгуулж байгаа.

Соён гэгээрлийн ажлын хүрээнд Монгол улсын аварга С.Мөнхбат сумын заан цолтнуудтай уулзалт хийж, “Монгол бөх ба Монгол эр хүн” сэдвээр чөлөөт ярилцлагыг хийнэ.

Тус уулзалт ирэх баасан гарагт буюу 2026 оны дөрөвдүгээр сарын 17-ны өдрийн 11:30 цагт Монгол бөхийн өргөөнд зохион байгуулагдана.