Улсын хэмжээнд 48 удаагийн ой, хээрийн түймэр бүртгэгдэж, 229 мянган га талбай өртжээ
Улсын хэмжээнд он гарсаар дөрөвдүгээр сарын 12-ны өдрийн байдлаар нийслэлийн 2 дүүрэг, 8 аймгийн 32 суманд, 48 удаагийн ой, хээрийн гал түймэр бүртгэгдэж, унтраах ажиллагааг зохион байгууллаа.
Мэдээллийн алба
Он гарсаар дөрөвдүгээр сарын 12-ны өдрийн байдлаар нийслэлийн хоёр дүүрэг, найман аймгийн 32 суманд нийт 48 удаагийн ой, хээрийн гал түймэр бүртгэгдэж, унтраах ажиллагааг зохион байгуулжээ.
Урьдчилсан байдлаар түймэрт ойн 704 га, хээрийн 228 мянга 302 га, нийт 229 мянга гаруй га талбай өртсөн байна. Мөн ой, хээрийн гал түймрийн аюулаас 35 гэр, 19 өвөлжөө, хашаа саравчийг хамгаалж, гурван айл өрхийн найман иргэн, 2000 орчим малыг нүүлгэн шилжүүлжээ.
Түймэр унтраах ажиллагаанд Онцгой байдлын байгууллага, Хил хамгаалах болон Цагдаагийн байгууллага, орон нутгийн нийт 1653 хүн, 264 автомашинтайгаар ажилласан байна.
