Улсын хэмжээнд нийт 21277 ихэр хүүхэд байна

Манай улсын нийт хүн амын 1.3 сая буюу 36.3 хувь нь 0-17 хүртэлх насны хүүхдүүд байна. Хүүхдүүдийн 51.4 хувь нь эрэгтэй, 48.6 хувь нь эмэгтэй байна.

Улсын хэмжээнд нийт 21 277 ихэр хүүхэд байгаагаас 2 ихэр 20 852, 3 ихэр 402, 4 ба түүнээс дээш ихэр хүүхэд 23 байна.

Хүүхдүүдийн хамгийн түгээмэл нэрсийг танилцуулбал, эмэгтэй хүүхдүүдээс Мишээл, Амин-Эрдэнэ, Нандин-Эрдэнэ, Номин-Эрдэнэ, Энхжин харин эрэгтэй хүүхдүүдээс Тэмүүлэн, Ананд, Төгөлдөр, Билгүүн, Дөлгөөн нэртэй хүүхдүүд хамгийн олон байна гэж Үндэсний Статистикийн Хорооноос мэдээллээ.