Өмгөөлөгч нар орон нутагт ажиллана

Төлбөрийн чадваргүй яллагдагчид хууль зүйн туслалцаа үзүүлэх тухай хууль хэрэгжиж эхлэхтэй холбогдуулан өмгөөллийн арга хэмжээг орон нутагт хүрч үзүүлдэг болно.

Уг үйлчилгээг шинээр эмхлэн байгуулагдаж буй “Хууль зүйн туслалцааны төв”-өөс зохион байгуулах юм. Одоогоор тус төвд өмгөөлөгчийн үйлчилгээ үзүүлэх 100 гаруй хүсэлт ирснээс 50 өмгөөлөгчийг нь шалгаруулж, аймаг сум дүүргийн 33 цэгт ажиллуулахаар бэлтгэж байна. Энэ талаар “Хууль зүйн туслалцааны төв”-ийн захирал н.Отгон ярьлаа.