Үндэсний ассамблейн сөрөг хүчний 5 гишүүний халдашгүй эрхийг цуцалжээ

Венесуэлийн нэг танхимт парламент буюу Үндэсний ассамблейн сөрөг хүчний таван гишүүний халдашгүй эрхийг мягмар гарагт цуцаллаа. Энэ шийдвэрийг Үндсэн хуулийн ассамблейгаас гаргасан тухай “Юнион радио” радио станц мэдээлсэн байна.

Одоогийн байдлаар Үндэсний ассамблейн сөрөг хүчний гишүүдийн дунд эх орноосоо урвасан хэрэгт холбогдсон хүний тоо 14 болоод байна. Өнгөрсөн долоо хоногт долоон гишүүний халдашгүй эрхийг Үндсэн хуулийн ассамблейн шийдвэрээр цуцалсан юм.

2017 оны долоодугаар сарын сүүлчээр бүх нийтийн урьдчилсан санал асуулга явуулалгүйгээр Ерөнхийлөгч Николас Мадурогийн санаачилгаар байгуулагдсан Үндсэн хуулийн ассамблейн бүрэлдэхүүнд сөрөг хүчний нэг ч төлөөлөгч байдаггүй юм.