Үндэсний Дээд лигийн 13-р тойргийн тоглолт амралтын өдрүүдэд явагдлаа
Лигийн шилдэг хоёр багийн тоглолт болоход “Хаан хүнс-Эрчим”-ийн С.Гал-Эрдэнэ 70 дахь минутад гоол оруулснаар “Хангарьд”-ыг буулгаж авлаа. Хэдийгээр энэ тулаанд хожигдсон ч “Хангарьд” клуб тэргүүлэгчийн байр сууриа хэвээр хадгалж үлдэв.
Мэдээллийн алба
Монголын хөлбөмбөгийн холбооны Үндэсний Дээд лигийн 13-р тойргийн тоглолт амралтын өдрүүдэд явагдлаа.
Лигийн шилдэг хоёр багийн тоглолт болоход “Хаан хүнс-Эрчим”-ийн С.Гал-Эрдэнэ 70 дахь минутад гоол оруулснаар “Хангарьд”-ыг буулгаж авлаа. Хэдийгээр энэ тулаанд хожигдсон ч “Хангарьд” клуб тэргүүлэгчийн байр сууриа хэвээр хадгалж үлдэв.
“СП Фалконс” “Андууд Сити”-г 8:2-оор бутниргэсэн тоглолтод “Фалконс”-ын М.Жансерик гурав, М.Төгөлдөр хоёр гоол нэмэрлэжээ. “Атлетик 220” лигийн аваргын төлөө өрсөлдөөнд яваагаа нотлон “Улаанбаатар Сити”-г 3:0-ээр хожсон байна. “Улаанбаатар” баг “УБ-ын Мазаалайнууд”-ыг 6:1-ээр хожиход Б.Балжинням тоглолтын төгсгөлд буюу 72, 75, 84 дэх минутанд гурван удаа айлын хаалгыг мялаав.
Энэ тойрогт хет-трик толилуулсан гуравдахь хөлбөмбөгчин бол “Дэрэн”-гийн О.Мөнх-Оргил юм. Тэрээр “Сумида-Жипро”-г 5:0-ээр хожиход гол үүргийг гүйцэтгэн гурван гоол орууллаа. Монголын хөлбөмбөгийн холбооны Дээд лигийн 14 болон 15 дугаар тойргийн тоглолт энэ долоо хоногт явагдана.
