Үндэсний шигшээ баг Киргизтэй хийх тоглолтод бэлэн
Өнгөрсөн аравдугаар сард Монголын 23 хүртэлх насны шигшээ баг Азийн АШТ-ий урьдчилсан шатанд хүч үзэхтэй холбоотойгоор ахлах дасгалжуулагч Масэ Шүичи энэ удаагийн бүрэлдэхүүндээ хэд хэдэн залуу тоглогчийг дуудаад байна.
Мэдээллийн алба
Түүхэндээ анх удаа ДАШТ-ий урьдчилсан шатны эхний давааг давсан Монголын шигшээ баг “F” хэсгийн сүүлийн тоглолтоо энэ сарын 7-нд Киргизийн багтай хийхэд бэлэн боллоо.
Япон дасгалжуулагч Масэ Шүичигийн удирдлага дор анхны олон улсын тоглолтоо хийх Монголын шигшээ баг тамирчид өнгөрсөн тавдугаар сарын 20-ноос өнөөдрийг хүртэл шигшээ багуудын бэлтгэлийн баазад нэгдсэн бэлтгэл хийж, нөхөрсөг тоглолтуудад оролцсон юм.
Өнгөрсөн аравдугаар сард Монголын 23 хүртэлх насны шигшээ баг Азийн АШТ-ий урьдчилсан шатанд хүч үзэхтэй холбоотойгоор ахлах дасгалжуулагч Масэ Шүичи энэ удаагийн бүрэлдэхүүндээ хэд хэдэн залуу тоглогчийг дуудаад байна.
Хэдийгээр манай шигшээ баг цааш шалгарах боломжгүй болсон ч хүчирхэг Киргизийн багт саад хийж, нэр төрийн төлөөх халуухан тэмцэл өрнүүлэх нь дамжиггүй.
Нэмж хэлэхэд манай улсын шигшээ баг ДАШТ-ий урьдчилсан шатны “F” хэсгийг тавдугаар байраар дуусгавал Азийн АШТ-нд урьдчилсан шатны эрхийн төлөөх Play OFF-т хоёр тоглолт хийх болно.
