Үндэсний үйлдвэрлэгчид худалдааны төвтэй болно

Дотоодын үйлдвэрлэгчдийг дэмжих зорилготой “Үндэсний үйлдвэр” худалдааны төв удахгүй үүдээ нээнэ. Өчигдөр энэхүү асуудлаар ҮХААЯ-аас мэдээлэл хийлээ. Тэдний ярьж буйгаар энэхүү төв нь дотоодод үйлдвэрлэгдсэн бүхий л бараа, үйлчилгээг иргэдэд нэг дороос үзүүлэхээс гадна үндэсний үйлдвэрлэгчдийн борлуулалтыг дэмжих төв болох аж.

Худалдааны төвийг “Нарантуул” олон улсын худалдааны төвийн хажуу талд байрлах Шөнийн захад байгуулахаар төлөвлөж байгаа гэнэ.