Ундны усны ариун цэвэр муу байна

Хөвсгөл аймагт хийсэн шинжилгээгээр айл өрхийн ундны ус зөөх, хадгалах савны ариун цэвэр муугаас гэдэсний халдварт өвчин үүсгэдэг нян үржиж байна гэсэн дүгнэлт гаргажээ.

Харин булаг, худгийн ус харьцангуй цэвэр байсан байна.

Тус аймгийн Эрүүл мэндийн газар, НҮБ-ын Хүүхдийн сан хамтран “Ундны усны эрүүл аюулгүй байдал” төсөл хэрэгжүүлж байгаа юм.

Төсөл хэрэгжсэнээр иргэдийн усны талаарх ойлголт өөр болж эхэллээ гэж аймгийн ЭМГ-ын мэргэжилтэн А.Эрдэнбилэг ярьж байна.