Үндсэн хуулийн цэцийн хуралдаан болно

МУ-ын Үндсэн хуулийн цэц иргэн О.Баясгалангаас ирсэн Шүүхийн иргэдийн төлөөлөгчийн эрх зүйн байдлын тухай хуулийн зарим заалтууд нь Үндсэн хуулийн холбогдох заалтыг зөрчсөн эсэх тухай маргааныг өнгөрсөн оны 12 дугаар сарын 20-ны өдөр Их суудлын хуралдаанаар нээлттэй хэлэлцэхээр товлосон байсан ч хойшлогдсон. Улсын Их Хурлын итгэмжлэгдсэн төлөөлөгч, Улсын Их Хурлын гишүүн Х.Тэмүүжин хүсэлт гаргасны дагуу хойшлогдсон тус хуралдаан 2014 оны 1 дүгээр сарын 8-ны өдөр болох ажээ.