Өндөр настан, хөгжлийн бэрхшээлтэй иргэдийг сургалтад хамруулав

Сэлэнгэ аймагт 10 мянга гаруй өндөр настан, 4600 гаруй хөгжлийн бэрхшээлтэй иргэн байдаг. Хөгжлийн бэрхшээлтэй иргэдийн Сэлэнгэ салбар болон Нийгмийн халамж үйлчилгээний хэлтэстэй хамтран эдгээр иргэдэд мэдээлэл зөвлөгөө өгөх, нийгэмшүүлэх, амьдрах ухаанд сургах зорилготой сургалтыг зохион байгууллаа.

Сургалтыг Сүхбаатар суманд тав хоногийн хугацаатай зохион байгуулж байгаа бөгөөд сургалтын хүрээнд ахмадуудыг эрүүл мэндийн үзлэгт хамруулж, шаардлагатай аппарат, тоног төхөөрөмжөөр тусалсан байна.