Үнэ төлбөргүй сургалтанд хамруулна

Нийслэлийн хөдөлмөрийн газраас мэргэжил олгох сургалтыг үнэ төлбөргүй явуулахаар болжээ. Гурав дахь жилдээ уламжлал болгон зохион байгуулагдаж буй уг арга хэмжээ нь Монгол Улсын Засгийн газрын Хөдөлмөр эрхлэлтийг дэмжих бодлогын хүрээнд хэрэгжих ажлуудын нэг юм.

Тус сургалтанд одоогоор ямар нэгэн ажил эрхлээгүй ажилгүй иргэд 45-60 хоногийн үнэ төлбөргүй хамрагдан мэргэжилтэй ажилтан болох боломжтой юм. Цаашлаад тус мэргэжлийн сургалтыг төгссөн хүнийг ажлын байранд зуучилж өгч буйгаараа давуу талтай аж.

Хөдөлмөр эрхлэлтийг дэмжих сангийн хүрээнд явагдаж буй уг сургалтад хамрагдахын тулд иргэд өргөдөл бичин, хорооны засаг даргын тодорхойлолтын хамт харъяа дүүргийнхээ Хөдөлмөр эрхлэлтийн хэлтэст бүртгүүлэх юм.