Өнгөрсөн шөнө Монгол-Алтайн уулсаар 0.3 мм ялимгүй цас оржээ

2024 оны 03 дугаар сарын 19-ний 08 цагаас 03 дугаар сарын 20-ны 08 цаг хүртэлх цаг агаарын тойм мэдээ хүргэж байна.

Цасны зузаан: Өнөө өглөөний цаг уурын станц, харуулын цасны зузааны мэдээгээр Баян-Өлгийн баруун, Ховд, Сэлэнгийн өмнөд, Завханы зүүн, Баянхонгор, Өвөрхангай, Дундговь, Дундговийн хойд хэсэг, Увс, Хөвсгөл, Архангай, Булган, Төв, Хэнтий, Дорнод, Сүхбаатарын нутгаар 0.0-40.0 см зузаан цасан бүрхүүл тогтсон байна. Үүнээс хамгийн их нь Увсын Түргэн, Сагилд 40.0 см, Баруунтуруунд 38.0 см, Малчин, Хяргасд 36.0-37.0 см, Улаангомд 35.0 см, Зүүнговьд 34.0 см, Давстад 33.0 см, Сүхбаатарын Түмэнцогтод 29.0 см, бусад хэсгээр 0.0-24.0 см цасан бүрхүүл тогтсон байна.

Хур тунадас: Өнгөрсөн шөнө Монгол-Алтайн уулсаар 0.0-0.3 мм ялимгүй цас орсон байна. Бусад нутгаар цас ороогүй.

Агаарын хамгийн их температур: Өчигдөр өдөр ихэнх нутгаар 1-7 хэмээр дулаарч Увс нуурын хотгор, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Халх голын хөндийгөөр 7-14 хэм, Хангай, Хөвсгөл, Хэнтийн уулархаг нутаг, Дорнод-Дарьгангын тал нутгаар 1-6 хэм хүйтэн, Их нууруудын хотгор, говийн бүс нутгийн өмнөд хэсгээр 7-14 хэм дулаан, бусад нутгаар 0-5 хэм дулаан байв.

Агаарын хамгийн бага температур: Өнгөрсөн шөнө Увс нуурын хотгор, Завхан голын эх, Хүрэнбэлчир орчим, Идэр, Тэс голын хөндийгөөр 22-27 хэм, Хөвсгөл, Хэнтийн уулархаг нутаг, Туул, Тэрэлж Халх голын хөндийгөөр 16-21 хэм, Алтайн өвөр говиор 2 хэм дулаанаас 3 хэм хүйтэн, Их нууруудын хотгор, говийн бүс нутгаар 2-7 хэм, бусад нутгаар 8-13 хэм хүйтэн байв.

Cалхи: Ихэнх нутгаар секундэд 5-10 метр, говь, талын нутгаар секундэд 12-14 метр хүрч ширүүссэн байна.

Улаанбаатар хот орчмоор: Өнгөрсөн хоногт цас ороогүй. Салхи баруун хойноос секундэд 3-8 метр. Өчигдөр өдөр 0-2 хэм, өнгөрсөн шөнө Яармаг-Сонгины орчмоор 17-19 хэм, бусад хэсгээр 8-10 хэм хүйтэн хоносон байна.