УНТЭ, УХТЭ, УГТЭ-тэй хамтарч ажиллах харилцан ойлголцлын санамж бичиг байгууллаа

Хавдар судлалын үндэсний төв (ХСҮТ)-өөс санаачлан Улсын Нэгдүгээр төв эмнэлэг (УНТЭ), Улсын Хоёрдугаар төв эмнэлэг (УХТЭ), Улсын Гуравдугаар төв эмнэлэг (УГТЭ)-тэй хамтарч ажиллах харилцан ойлголцлын санамж бичиг байгууллаа.

Хавдрын тусламж, үйлчилгээг нийслэл болон аймаг, дүүргийн нэгдсэн эмнэлгүүдэд хөгжүүлэх чиглэлээр хамтарч ажиллах, энэ тал дээр олон талын дэмжлэг туслалцаа үзүүлэх боломжтой талаар ХСҮТ-ийн Ерөнхий захирал Л.Төмөрбаатар тус эмнэлгийн удирдлагуудад танилцуулсан юм.

Энэхүү харилцан ойлголцлын санамж бичигт дээрх эмнэлгүүдэд хавдрын тусламж, үйлчилгээ үзүүлэх кабинет болон нэгдсэн тасаг байгуулах, мөн эмч мэргэжилтнийг дадлагажуулан сургах, олон улсын хурал, семинар, томоохон сургалтад хамруулж мэргэжил мэдлэгийг нь дээшлүүлэх зэрэг тодорхой хүрээнд хамтарч ажиллахаар тусгасан.