Өнөө шөнөдөө цас үргэлжлэн орж цасан шуурга шуурна

Өмнөговь-Улаанбаатарын чиглэлийн замд хүчтэй цасан болон шороон шуурга шуурч байгаагаас Цогт-Овоо суманд одоогоор 5 хүнийг эрэн хайж байгаа юм байна. Цаг агаар муухайрсан энэ үеэр Сэврэй, Гурвантэс, Ноён, Даланзадгад сумдад тог тасарсан харанхуй байна.

2019 онд 05 сарын 11-ний 20 цагийн байдлаар Өмнөговь аймгийн Цогт-Овоо, Цогтцэций сумдад 6мм, Хүрмэн 4мм, Мандал-Овоо, Ноён сумдад 3мм, Манлай 1мм, Ханбогд, Номгон, Баян-Овоо сумдад 0,7мм цас орсон байна. Булган 17см, Даланзадгад 12см, Цогт-Овоо 8см, Цогтцэций, Хүрмэн, Ноён сумдад 4-5см, Гурвантэс 2см цасан бүрхүүл тогтжээ.

Сэврэй сумын сүлжээ тасарч одоогоор мэдээ ирүүлээгүй байна. Өнөө шөнөдөө цас үргэлжлэн орж цасан шуурга шуурна.

Иймд ард иргэдийг хол замд гарахгүй байхыг анхааруулъя.