Өнөөдөр АНУ Сирид цохилт өгч болзошгүй

Газрын Дундад тэнгист байрлаж байгаа АНУ-ын тэнгисийн цэргийн хүчин болон Их Британий Хааны флот пүрэв гарагаас баасан гарагт шилжих шөнө Сирид далавчит пуужингуудаар цохилт өгөх гэж байгаа тухай олон улсын хэвлэл мэдээллийн хэрэгслүүд уламжилж байна. Тус ажиллагаа нь цар хүрээ болон цаг хугацааныхаа хувьд хязгаарлагдмал шинж чанартай байх бөгөөд цохилт “хэдэн өдөр бус, харин хэдхэн цаг үргэлжилнэ” хэмээн Fox News агентлаг Пентагоны нэрээ нууцлахыг хүссэн эх сурвалжийг иш татан мэдээлжээ.