Өнөөдөр дугаарын хязгаарлалт үйлчлэхгүй

НИТХ-ын 2012 оны 2/08 дугаар тогтоолын дагуу Улаанбаатар хотын зарим замуудад тээврийн хэрэгслийг улсын дугаарын ялгавартайгаар замын хөдөлгөөнд оролцуулдаг журамтай болсон.

Энэхүү журам нь өнөөдөр бүх нийтээр тэмдэглэх баяр ёслолын өдрүүдийн нэг тул мөрдөгдөхгүй юм. Тиймээс өнөөдөр дугаарын хязгаарлалт үйлчлэхгүй. Харин маргааш буюу 1 сарын 2-ноос эхлэн журам хэвээр үргэлжилнэ. Баярын өдрүүдээр замын хөдөлгөөний ачаалал эрс нэмэгддэг учраас нийслэлийн тээврийн газраас автобусны тоог нэмэгдүүлсэн төдийгүй, нийтийн тээвэр уртасгасан цагаар ажиллаж байна.