Өнөөдөр Истанбул, Хонгконг руу тусгай үүргийн нислэгтэй

Улсын Онцгой комиссын шийдвэрээр наймдугаар сард гадаад улс орнуудаас иргэдээ татан авахаар 14 удаагийн тусгай үүргийн нислэг төлөвлөгдсөн. Өнгөрсөн хугацаанд найман удаагийн нислэг үйлдээд байна. Тэгвэл өнөөдөр /2020.08.20/ Истанбул, болон Хонгконг руу тусгай үүргийн нислэг үйлдэх юм.

Истанбулаас Европт байгаа иргэдээ татан авчрах бол Хонгконгоос Тайвань болон Зүүн Өмнөд Азийн орнуудаас нутаг буцах хүсэлт гаргасан 170 орчим иргэнийг эх оронд нь авчрах аж.

ЭНЭ САРД ХИЙГДЭХ НИСЛЭГҮҮД• Наймдугаар сарын 21-нд Франкфурт-Улаанбаатар
• Наймдугаар сарын 22-нд Сөүл-Улаанбаатар
• Наймдугаар сарын 24-нд Токио-Улаанбаатар
• Наймдугаар сарын 26-нд Франкфурт-Улаанбаатар
• Наймдугаар сарын 27-нд Сидней-Улаанбаатар чиглэлд тусгай нислэг үйлдэнэ.Монгол Улсын Шадар сайд, Улсын онцгой комиссын дарга Я.Содбаатарын шийдвэрээр наймдугаар сарын 30-ны өдөр Казахстан улсын нийслэл Нурсултан, наймдугаар сарын 31-ний өдөр АНУ-ын Сиатл хот руу тусгай үүргийн нэмэлт нислэг хийхээр шийдвэрлээд байна.Нурсултан хот руу хийх нислэг замдаа Киргиз улсын нийслэл Бишкек хотоор дамжин Монгол Улсын 30 гаруй иргэнийг авах бөгөөд эдгээр хоёр нислэгээр нийт 520 орчим иргэн эх орондоо ирнэ.Ийнхүү нэмэлт нислэгийг үйлдсэнээр энэ сард нийт 17 удаагийн нислэгээр 4240 гаруй иргэнийг эх оронд нь авчрахаар байна. Эх сурвалж: ИНЕГ