Өнөөдөр хорт хавдартай тэмцэх дэлхийн өдөр тохиож байна

Дэлхий дахинд жилд дунджаар 12.7 сая хүн хорт хавдраар өвчилж, 7.6 сая хүн хорт хавдраас болж нас бардаг байна.

Тиймээс 2000 оноос эхлэн дэлхий нийтээрээ энэ өдрийг хорт хавдартай тэмцэх өдөр болгон тэмдэглэж иржээ.

Хавдрын эсрэг дэлхийн өдрийг “Олон улсын хавдраас сэргийлэх, хянах холбоо”-оос санаачилсан бөгөөд хүн амын дунд хорт хавдраас сэргийлэх мэдлэг, боловсролыг дээшлүүлснээр хорт хавдраас сэргийлэх, нас баралтыг бууруулахад дэлхийн улс орнуудын Засгийн газар болон хувь хүмүүсийг энэ аюулын эсрэг нийтээрээ тодорхой зүйл хийхийг уриалахад оршдог байна.