Өнөөдөр манай гурван тамирчин барилдана

Өнөөдөр Узбек улсын нийслэл Ташкент хотын “Гимнастикийн ордон”-д сонгомол барилдаан, эрэгтэй, эмэгтэй чөлөөт бөхийн насанд хүрэгчдийн ДАШТ-ий эмэгтэй 53, 58, 75 кг-ын жингүүдийн барилдаан болно.

53 кг-ын жинд 29 бөх барилдаж байгаагаас ДАШТ-ий мөнгөн медальт, олон улсын хэмжээний мастер Э.Сумьяа нэгдүгээр тойрогт Энэтхэгийн бөх Нурмала Дэвитэй таарсан бол 58 кг-ын жинд 23 бөх барилдаж байгаагаас ДАШТ-ий хошой хүрэл медальт, Гавьяат тамирчин Т.Мөнхтуяа нэгдүгээр тойрогт Бразилийн бөх Жуис Суазатай таарсан байна.

Харин 75 кг-ын жинд 19 бөх барилдаж байгаагаас ДАШТ-ий мөнгө, хүрэл медальт, Гавьяат тамирчин О.Бурмаа нэгдүгээр тойрогт Украйны бөх, дэлхийн аварга Катерина Бургомистроватай барилдах юм.