ӨНӨӨДӨР: “Набүкко” дуурь Милан хотод анх удаа тайзнаа тавигджээ

Өнөөдөр буюу гуравдугаар сарын 9 нь Григорийн тооллын жилийн 68 дахь өдөр, билгийн тооллын хаврын тэргүүн цагаан бар сарын шинийн 21-ний өдөр тохиож байна. Энэ өдөр дэлхийн түүхэнд дараах онцлох үйл явдлууд өрнөжээ.

Эрт үе ба дундад зуун

1566: Шотландын хатан хаан Меригийн хувийн нарийн бичиг Девид Риззио Эдинбург хотын Холирүүдхаус ордонд хуйвалдаанд өртөн амиа алджээ.

XIX зууны үйл явдлууд

1796: Францын жанжин Наполеон Бонапарт өөрийн анхны эхнэр Жозефин де Бөарнэ-тэй гэрлэжээ.

1831: Францын хаан Луи Филипп Францын гадаадын легион цэргийн ангийг байгуулж, Алжир дахь дайнд оролцуулах шийдвэр гаргав.

1842: Италийн хөгжмийн зохиолч Жузеппе Вердигийн гуравдугаар дуурь “Набүкко” Милан хотод анх удаа тайзнаа тавигджээ. Энэ бүтээл Вердиг Европ даяар алдаршуулахад чухал нөлөө үзүүлсэн байна.

1847: Мексик-Америкийн дайны үеэр АНУ-ын цэрэг Мексикийн Веракруз хотыг бүслэн довтолж эхэлжээ.

1896: Адвагийн тулалдаанд ялагдсаны дараа Италийн Ерөнхий сайд Франческо Криспи албан тушаалаасаа огцорсон байна.

XX зууны үйл явдлууд

1908: Италийн Милан хотод Интер Милан хөлбөмбөгийн клуб байгуулагджээ.

1933: АНУ-ын Ерөнхийлөгч Франклин Рузвельт банкны онцгой байдлын тухай хуулийг санаачилж, Их хямралын үед банкны тогтолцоог тогтворжуулах арга хэмжээ авчээ.

1946: Английн Болтон Уондерерс клубын Бөрнден Парк цэнгэлдэх хүрээлэнд осол гарч, 33 хүн амиа алдаж, 100 гаруй хүн гэмтэж бэртсэн байна.

1956: Зөвлөлт Гүржид болсон эсэргүүцлийн хөдөлгөөнийг дарахаар Зөвлөлтийн улаан арми Гүржийн нутагт цэрэг оруулжээ.

1959: АНУ-ын Нью-Йорк хотод болсон олон улсын тоглоомын үзэсгэлэнгийн үеэр Барби хүүхэлдэйг анх олон нийтэд танилцуулсан байна.

1961: Зөвлөлтийн “Спутник-9” сансрын туршилтын хүрээнд Иван Иванович нэртэй туршилтын хүүхэлдэйг сансарт илгээжээ.

1977: Ханафи бүлэглэлийн зэвсэгт этгээдүүд Вашингтон хотын гурван барилгыг 39 цагийн турш бүсэлсэн хэрэг гарчээ.

Орчин үе

1997: Хейл-Бопп сүүлт од Ази тивийн зүүн хойд хэсэг, тэр дундаа Монголын тэнгэрт тод харагдаж олон хүний анхаарлыг татсан байна.

2011: АНУ-ын сансрын Шаттл хөтөлбөрийн “Дисковери” хөлөг нийт 39 нислэгийн дараа сүүлчийн удаа газарджээ.