Өнөөдөр ОХУ-ын Батлан Хамгаалах болон гадаад хэргийн сайд нар Турк улсад айлчилна

Оросын Гадаад Хэргийн сайд Сергей Лавров болон Батлан Хамгаалахын сайд Сергей Шойгу нар 06-р сарын 14-нд буюу өнөөдөр Турк улсад айлчлал хийнэ. Оросын ерөнхийлөгч Владимир Путин болон Туркийн ерөнхийлөгч РежепТаийпЭрдоган нарын хэлэлцэн тохиролцсоны дагуу энэхүү айлчлалыг зохион байгуулж байна гэдгийг Тасс агентлаг онцолжээ. Кремлийн төлөөлөгчид Анкара дахь айлчлалынхаа үеэр бүс нутгийн асуудлуудыг онцлон хэлэлцэх юм.

Энэ сарын 10-нд ОХУ, Туркийн ерөнхийлөгч нар утсаар яриа өрнүүлсэн юм. Энэ үеэр удирдагчид Сири болон Ливи улс дахь нөхцөл байдал, мөн цар тахлын эсрэг хамтын ажиллагаагаа бэхжүүлэх асуудлыг хөндөн ярилцжээ.