ӨНӨӨДӨР: Олон улсын эрдэм шинжилгээний хурал болно

- Өнөөдөр буюу 2020 оны есдүгээр сарын 2-ны өдөр болох зарим үйл явдлын хураангуйг хүргэж байна –

Оросын шинжлэх ухаан, соёлын төв(РЦНК)

09:00 цагт: "Дэлхийн II дайны төгсгөл: Манжуурын стратегийн давшилтын ажиллагаанд Монгол Улсын оролцоо" сэдэвт олон улсын эрдэм шинжилгээний хурал эхэлнэ.

Уг арга хэмжээг БХЯ-ны дэд сайд Б.Баярмагнай, ОХУ-аас Монгол Улсад суугаа Онц бөгөөд Бүрэн Эрхт Элчин сайд И.К.Азизов нар нээх бөгөөд Монгол, ОХУ-ын 40 гаруй эрдэмтэн, судлаач танхимд болон цахимаар илтгэл хэлэлцүүлнэ. Мөн хурлын үеэр ОХУ-ын Гадаад хэргийн сайд С.В.Лавров хоёр орны эрдэмтэн, судлаач нарт мэндчилгээ дэвшүүлэх бөгөөд ОХУ-ын Холбооны гүйцэтгэх засаглалын Россотрудничество агентлагийн тэргүүн Примаков Евгений Александрович уг хуралд оролцоно. Утас: 458682

Эрүүл мэндийн яам

11:00 цагт: "COVID-19" халдварын нөхцөл байдлын талаар ЭМЯ-наас ээлжит мэдээлэл хийнэ.

Оросын шинжлэх ухаан, соёлын төв(РЦНК)

11:00 цагт: “Тусгаар тогтнолын үнэ цэнэ” хамтарсан үзэсгэлэнгийн нээлт болно. Утас: 458682

Залуу жанжин Ж.Лхагвасүрэнгийн хөшөө

11:40 цагт: Чөлөөлөх дайны ялалтын 75 жилийн ойг тохиолдуулан БХЯ-ны Төрийн нарийн бичгийн дарга болон ЗХЖШ, ҮБХИС-ийн удирдлага, Хурандаа генерал Ж.Лхагвасүрэнгийн үр хүүхдийн төлөөлөл Залуу жанжин Лхагвасүрэнгийн хөшөөнд цэцэг өргөнө.

Офицеруудын ордон

12:10 цагт: Залуу жанжин, Хурандаа генерал Ж.Лхагвасүрэнгийн бичиж, 1975 онд хэвлүүлсэн “Олон жилийн зузаан нөхөрлөл” номын хоёр дахь хэвлэлийн нээлт болно.

ШӨХТГ

14:00 цагт: МСНЭ, ШӨХТГ хамтран Хэвлэл мэдээллийн орчинд орон нутгийн сонгуулийн үеэр мөрдөх хууль эрх зүйн зохицуулалтын талаарх зөвлөмж, хэлэлцүүлэг зохион байгуулна. Утас: 90106600, 94111727