Өнөөдөр Улаанбаатарт дархлаажуулалтын явуулын 7, суурин 23 цэг ажиллана

Өчигдөр буюу 2021 оны 6 дугаар сарын 18-ны өдөр нийслэлийн хэмжээнд дархлажуулалтын тунд 1938, II тунд 2433, нийт 4371 иргэнийг хамруулсан байна. Вакцинжуулалт эхэлснээс хойш мөн өдрийн байдлаар нийслэлийн 18-аас дээш насны иргэдийн 101.6 хувь буюу 968.373 нь I тунд, 89.5 хувь буюу 853.595 нь II тунд хамрагджээ.

Үүнээс нийт 414 жирэмсэн эх, 16-17 насны 2215 хүүхэд дархлаажуулалтад хамрагдаж, вакцины I тунг хийлгээд байгаа аж.

Өнөөдөр /2021.06.19/ Улаанбаатар хотод дархлаажуулалтын явуулын 7, суурин 23 цэгт 47 багийн 261 эмч, ажилтан ажиллаж, 6201 иргэнийг дархлаажуулахаар төлөвлөжээ. Дархлаажуулалтын цэгийг дүүрэг тус бүрээр танилцуулж байна.