Өргөмжит консул нарт экзекватур гардууллаа

Гадаад харилцааны дэд сайд Д.Ганхуяг өчигдөр Шинэ Зеланд Улсаас Монгол Улсад суух Өргөмжит консул Ч.Мөнхбат, Бүгд Найрамдах Эстони Улсаас Монгол Улсад суух Өргөмжит консул Л.Хулан нарт экзекватурыг гардуулан өгөв.

Дэд сайд Д.Ганхуяг Өргөмжит консулуудад хоёр талын улс төр, эдийн засаг, соёл, хүмүүнлэгийн салбарын харилцааг хөгжүүлэх ажилд нь амжилт хүсэв. Экзекватур гардуулахад Гадаад харилцааны яамны Консулын газрын захирал Ш.Сүхбаатар байлцав.