Өргөн суманд 100 хүүхдийн шинэ цэцэрлэг ашиглалтад оржээ

Япон улсын төслийн бус буцалтгүй тусламжийн хуримтлалын сангийн 723.0 сая төгрөгийн хөрөнгө оруулалтаар Өргөн суманд 100 хүүхдийн цэцэрлэгийн барилгын ажлыг “Мөнх өргөө” ХХК гүйцэтгэж, 2016 оны 11 дүгээр сард улсын комисст хүлээлгэн өгсөн.

Тус цэцэрлэгийн нээлтийн ажиллагаа энэ сарын 25-нд болж, нээлтэд Дорноговь аймгийн Засаг дарга Т.Энхтүвшин, Өргөн сумын ИТХ-ын дарга М.Одгэрэл, Өргөн сумын Засаг дарга Ж.Сүхбаатар болон албаны бусад төлөөлөл оролцжээ.