“Урлагтай яриа” медиа төсөл МҮОНТ-ээр үзэгчдэд хүрнэ
“Урлагийн мөнхийн үнэн” урлагийн шүүмж судлалын цуврал нэвтрүүлгийг Монголын үндэсний телевизээр энэ долоо хоногт хүлээн авч үзээрэй.
Мэдээллийн алба
Соёлын бүтээлч сарын хүрээнд Монголын урлагийн зөвлөл (МУЗ) нь Соёлын яамны дэмжлэгтэйгээр урлагийн шүүмж судлалаар дамжуулан хүн ба нийгмийн үнэт зүйлс, соёл урлагийн талаарх олон талт мэдлэг, мэдээллийг “Урлагтай яриа” төслөөр хүргэж байна.
Уг медиа төсөл нь “Урлагийн шүүмж судлал”, “Кино урлагийн шүүмж судлал", “Хөгжмийн шүүмж судлал”, “Дүрслэхүйн шүүмж судлал” гэсэн 4 сэдвийн хүрээнд агуулгыг боловсруулж, уран бүтээлчид, мэргэжлийн судлаачид, эрдэмтэн мэргэжилтнүүдийг урьж оролцуулсан телевизийн цуврал нэвтрүүлэг бэлтгэн олон нийтэд хүргэж байна.
Та бүхэн “Урлагийн мөнхийн үнэн” урлагийн шүүмж судлалын цуврал нэвтрүүлгийг Монголын үндэсний телевизээр энэ долоо хоногт хүлээн авч үзээрэй.
Тодруулбал, 11 дүгээр сарын 17-нд буюу өнөөдөр 22:00 цагаас "Урлагтай яриа: “Кино урлагийн шүүмж судлал", энэ сарын 19-нд буюу нөгөөдөр 22:00 цагаас Урлагтай яриа: "Хөгжмийн шүүмж судлал” үзэгчдэд хүрнэ гэж Соёлын яамнаас мэдээллээ.
