Усны ослоос нэг иргэний амь насыг авран хамгааллаа

Хан-Уул дүүргийн 14 дүгээр хороо Сонгины амралтын ойролцоо Туул голд хүн живэх гээд байна гэсэн дуудлагын дагуу Нийслэлийн Онцгой байдлын газрын Аврах ангийн бүлгийн дарга, аврах ажиллагааны зааварлагч, ахмад Б.Отгонбаяраар удирдуулсан завьт эргүүл, Хан-Уул дүүргийн Онцгой байдлын хэлтсийн Гал түймэр унтраах, аврах 30 дугаар ангийн ахлагч Аврагч, гал сөнөөгч Б.Дашдоржоор удирдуулсан бэлтгэл ээлжийн алба хаагчид түргэн шуурхай ажиллаж усны ослоос нэг иргэний амь насыг авран хамгаалжээ. Тус иргэнийг Хан-Уул дүүргийн цагдаагийн 2 дугаар хэлтэст хүлээлгэн өгсөн байна.

Иргэд ээ Хандлагаа өөрчилье-Хариуцлагатай байя!

-Согтууруулах ундаа хэрэглэсэн үедээ голын усанд орохгүй байх

-Бага насны хүүхдийг хараа хяналтгүй орхихгүй байх

-Баталгаагүй гарам, гарцаар гарахгүй байх

-Голын эргээс 1.5 м-ээс 2 метрийн зайтай байрлаж, эрэг нурахаас болгоомжилж мэргэжлийн байгууллагаас өгч буй заавар зөвлөмжийг дагаж хэрэгжүүлж хэвшинэ үү.

Эх сурвалж: НОБГ