Өтгөн манангаас болж Нью-Делид олон арван нислэг цуцлагджээ

Энэтхэгийн Нью-Дели хотод өтгөн манан бууснаас болж олон арван нислэг цуцлагдсан байна. ИндираГандигийн нэрэмжит олон улсын нисэх онгоцны буудлын орчимд үзэгдэх орчим хязгаарлагдмал байсан учир өнгөрсөн Мягмар гарагийн ихэнх нислэгийг ийнхүү цуцалжээ.

Хотын замын хөдөлгөөнд мөн л хүндрэл саатлууд ихээхэн гарч байсан. Жил бүр өвлийн улирал болоход утаанаас гадна өтгөн манан Энэтхэгийн хойд нутагт ихтэй байдаг байна. Үүнээс болж осол хэрэг гарах нь эрс ихэсдэг учир эрх баригчид урьдчилан сэргийлэх арга хэмжээнүүдийг авдаг байна.