Уурхай дээр 36 мянган төгрөгөөр худалдаалагддаг нүүрсний үнэ яагаад 5 дахин өсөв

Улаанбаатар хотоос 130 км-ийн цаана Багануурын уурхайд нүүрс тонн тутам нь 36 мянгаар зарагдаж байна. Харин нийслэл хотод хэрэглэгчдийн гар дээр ирэхдээ нэг л удаа гал түлэхэд хүрэлцэхүйц савлагдсан шуудайтай нүүрс 1500-2500 төгрөг буюу нэг тонн нь 180 мянган төгрөг болж үнэ нь замдаа 5 дахин өсөж ирдэг. Монголд өнөөдөр 5 дахин нугардаг ашигтай бизнес хаана ч байхгүй. Гэтэл чухам яагаад нүүрсний үнэ ийнхүү хэд дахин өсөж хэрэглэгчийн гэрт очиж байгааг манай сурвалжлагч Б.Батбаяр газар дээрээс нь сурвалжиллаа.