Ууц зөвшөөрөлгүй чанаж байсан гурван гэрийг нүүлгэв

Баянгол дүүрэг дэх цагдаагийн нэгдүгээр хэлтсээс дүүргийн үйлдвэр үйлчилгээний хэлтсийн мэргэжилтнүүдтэй хамтран 12 дугаар хорооны нутаг дэвсгэрт орон сууц дунд "Ууц, өвчүү чанана" гэсэн хаягтай газруудад шалгалт хийсэн байна. Шалгалтын дагуу зохих зөвшөөрөлгүй үйл ажиллагаа явуулж байсан гурван гэрийг нүүлгэн шилжүүлжээ.

Тиймээс тус хэлтсээс ард иргэддээ зориулалтын бус зөвшөөрөлгүй газраар үйлчлүүлэхгүй байхыг анхааруулсан байна.